| Encylopédiste | Encyclopédie | Référence | Citation |
|---|---|---|---|
| Thomas Cantimpratensis | Liber de natura rerum, version "Thomas III." (éd. Vollman-Hünemörder 1993) | oeuvre / livre 14 / chapitre 76 / citation n°1 |
Contenu de la citation : Succinus, quem appellant Greci electron, crocei coloris est et ut vitrum aliquando translucet. Sucus pinee arboris est, ut dicit Ysidorus , et ideo succinus appellatur. Vocatur etiam vulgariter lambra. Attritus digitis folia et paleas et vestium fimbrias rapit sicut magnes ferrum. Quocumque modo libet tingitur; nam anchuse, id est herbe cuiusdam, radicis consilioque insequitur. Conferre dicitur portantibus castitatem; fumus etiam eius iuvare parturientibus et fugare serpentes certum est. Prima gutta, que de pino arbore fluit, pura est et lucida et hoc illa, que in estate calido tempore profluit. Reliquo tempore fluens obscura est et immunda. Hunc Gothi in flumine quodam reperiunt sicut lapides duros et perspicuos. |
| Thomas Cantimpratensis | Liber de natura rerum, versions I-II (éd. Cipriani en cours, 2017) | oeuvre / livre 14 / chapitre 65 / citation n°1 |
Contenu de la citation : Succinus, quem appellant Greci electron, crocei coloris est et ut vitrum, aliquando translucet. Succus pinee arboris est, ut dicit Ysidorus , et ideo succinum appellatum ; vocatur etiam vulgariter lambra. Attritus digitis folia et paleas et vestium fimbrias rapit sicut magnes ferrum; quocumque modo libeat, tingitur: nam ancuse, id est herbe cuiusdam radice, conchilioque inficitur ; conferre dicitur portantibus castitatem; fumus, etiam, eius iuvare parturientibus et fugare serpentes, indubitanter certum est. Prima gutta, que de pino arbore fluit, pura et lucida est, et hoc illa que in estate calido prosilit; reliquo vero tempore fluens obscura est et immunda. |
| Vincentius Belvacensis | Speculum doctrinale, version SM trifaria (éd. Douai 1624) | oeuvre / livre 15 / chapitre 40 / citation n°1 |
Contenu de la citation : [Ex libro de natura rerum] Saphyrus cerulei coloris est ; morbum illum horribilem fugat, qui vulgariter dicitur noli me tangere sed color post fugationem dicitur vitiari. Dicitur etiam optimus esse contra fraudes et contra invidiam et terrores. Ad pacem quoque gratiosus est, sed oportet quod ille qui eum portat, summo studio servet castitatem. Orientales saphiri sunt optimi, maxime hi qui vehementer splendent, colore ceruleo et quasi nubeculas habentes in superficie coloris densioris. Sunt quidam orientales saphiri, qui lapidem rubith admixtum habent, hi quoque inter ceteros cariores sunt et virtutem potentes. Sardius rubei coloris est, sed atri ut rubea terra. Hic sanguineum fluxum restingit et est idem quod lapis cornelius, de quo, scilicet dictum est superius, ut dicit glossa. Sardonix ex duobus lapidibus naturaliter est, in parte rubeus ex lapide sardio, in parte vero albus et in parte niger, qui duo colores sunt ex parte onicis: habet autem speciem pulcherrimam ubi colores permixti fuerint ; sed nullam virtutem habere dicitur, nisi quam et sardius, scilicet quod ipso presente lapis onix nocere non potest, nescit autem convellere ceram; et eum qui hunc portat oportet esse prudentem et humilem. Smaragdus pre omnibus virentibus viret ; forma eius optima est plana, quia dum strata est adumbratur. Si reverenter portetur, morbum caducum fugat et morbum qui emitritheus dicitur. Visum etiam refocillat et oculos purgat, qui uno ablutus vel oleo perunctus, hominem gratum in verbis reddit, tempestates avertit, motus quoque lascivos compescit. Succinus crocei coloris est et ut vitrum aliquando translucet, arboris pinee succus est et ideo succinus appellatur, vulgariter autem lambra vocatur. Hic castitatem conferre portantibus dicitur, fumus eius iuvat parturientes et fugat serpentes. Prima quidem gutta que de pino arbore fluit, pura et lucida est; et hoc illa que in estate calida prosilit, reliquo vero tempore fluens obscura est et immunda. Silenites est lapis colore pulchro, maximeque albo, rubeo vario, quem portat Indie testudo. Horum quoddam genus est quod viret ut herba, hunc qui portat in ore fertur divinare futura, igne nunquam frangitur. Inter dissidentes amorem reconciliat, phtisicos etiam curat. Topasius in Topason insula tantum primo inventus est et inde nuncupatus, cuius color auro similis: hic magis pretiosus est, aliud autem genus est multo lucidius et colore magis tenue, sed deterius.Hic lapis inter cetera que facit, dicitur etiam iram luxuriamque restringere. |
| Vincentius Belvacensis | Speculum naturale, version SM trifaria (éd. Douai 1624) | oeuvre / livre 8 / chapitre 105 / citation n°2 |
Contenu de la citation : Ex libro de natura rerum Succinu est gemma, que vulgariter appellatur lambra. Hoc crocei coloris est et ut vitrum aliquando translucet. Castitatem portantibus conferre dicitur, fumus eius iuvat parturientes et fugat serpentes, prima quidem gutta que de arbore pino fluit, pura et lucida est et hec est illa que in estate calida prosilit. Reliquo vero tempore fluens obscura est et immunda. |
